Descobritz Euralis
e los nostes mestièrs

Nos conéisher

Euralis qu’ei un grop cooperatiu agricòla, ua enterpresa governada per agricultors
e qui’us apartien. Qu’a per mira de collectar e transformar la produccion deus sons aderents
e que contribua donc a l’economia locau en creant nombrós emplecs dirèctes e indirèctes
en favorizant ua agricultura sana e duradissa.

La nosta identitat

Groupe Euralis, notre identité

La nosta vision

Groupe Euralis, notre vision

Las nostas valors

Euralis, nos valeurs, notre personnalité
Euralis, nos valeurs, notre démarche
Euralis, nos valeurs, notre éthique

Perqué Euralis ?

Arrejúnher lo grop cooperatiu Euralis, qu’ei sasir l’oportunitat de :

S'engatjar aus costats deus nostes aderents entà ua agricultura duradissa e plurau, ua alimentacion sana e segura :
  • Un grop cooperatiu miaire integrat de capsús dic a capvath ( + de 5 200 collaborators, 1,3 Mds € CA) , estacat au son territòri, qui a sabut exportar los sons saber-har e produits
  • Un grop cooperatiu qui a hèit la causida de las cordèras e que prepausa ua auhèrta globau de conselhs e de servicis aus agricultors
  • Un grop cooperatiu qui, autanlèu 2012, a desvolopat los circuits corts peus sons cornèrs La Table des Producteurs, assegurant atau desbocs entaus 500 aderents dont las produccions son referenciadas dens los nostes taulèrs alimentaris
Participar a ua dinamica d'innovacion :
  • Associacions, a còps exclusivas, dab start-ups innovantas au còr deus territòris : Weather Measures, Elicit Plant, UV Boosting…
  • Un engatjament dens lo projècte nacionau SYPPRE : Euralis que collabòra ad aqueras platafòrmas prospectivas dont l’objècte ei de har gessir los sistèmas de cultura de doman en ligar las sciéncias de l’agronomia e de l’ecologia dens un apròchi de desvolopament duradís
  • La participacion a la creacion de la societat INOLEA, especializada dens la recèrca en genetica e genomica vegetau
Víver ua experiéncia umana passionanta :
  • Un Grop en transformacion qui crea ua dinamica collectiva vertadèra e ua emulacion dens las equipas e qui auhereish oportunitats d’evolucion e de mobilitat
  • Ua diversitat de mestièrs de las granas : panissèr, trader cerealèr, data scientist, engenhaire agronòme…
Desvolopar lo vòste potenciau :
  • Ua auhèrta de formacion accessibla deu noste site Campus Euralis estant
  • Ua mobilitat facilitada peu portau de difusion de las oportunitats intèrnas
  • Un acompanhament especific peus vòstes manejadors dab un entertien annau qui intègra l’entertien professionau (evolucion/projeccion carrièra, mobilitat,…)
Har entà un monde miélher
  • Un engatjament ahortit entau benestar animau
  • Ua determinacion a limitar lo noste impacte suu rescauhament climatic per la reduccion de las nostas emissions de CO₂ : accions sus l’estauvi d’energia, mobilitat duradissa, economia circulara…
  • Ua volontat de plan neurir los consumaires mercés a produits sans e de qualitat, mei sovent certificats e labellizats.

Los nostes mestièrs

Dab mei de 5 200 collaborators, Euralis qu’ei un Grop Cooperatiu innovant e agile qui arraja a l’internacionau.

Qu’entertien dab l’ensemble deus collaborators un esperit d’equipa, de solidaritat e d’engatjament.
Euralis que recruta hemnas e òmis aus perfius divèrs, desirós de participar
a ua aventura umana e singulara.

Hòrt d’un capitau uman ric, Euralis que promòu la mobilitat intèrna e que recruta regularament dens de nombrós mestièrs :

  • Comèrci / Marcatica
  • Produccion / Supply Chain
  • R&D
  • Agronomia
  • Foncions supòrt (Sistèmas d’Informacion, RH, comunicacion, finança, RSE…)
  • Qualitat, Igièna, Securitat, Environament (QHSE)

Las auhèrtas que son a provedir dens las diferentas activitats deu Grop :

François-Xavier Larrouy : Cap de zòna expòrt, Euralis Semenças
Wen Wen Wu : seleccionaira milhòc entau programa China

Los nostes engatjaments

Euralis que s’engatja dens la luta entà l’egalitat hemna / òmi.

Lo noste efectiu qu’ei compausat a 43,1% de hemnas, aquera chifra estant establa despuish mantua annada. En çò d’Euralis, los indèx que’ns mòstran las hemnas e los òmis qu’an las medishas oportunitats d’obtiéner aumentacions o de las promocions.

Santat e securitat que son au còr de las preocupacions deu Grop.

Qu’ei pr’amor d’aquò que, cadua de las Activitats e de las Entitats qu’a declinat ua politica ambiciosa e preventiva entà garantir un environament de tribalh assegurant la santat e la securitat. Per exemple, entà l’Activitat Semenças, l’apròchi batiat Safety First qu’ei estada començada peu pielar de las 10 règlas d’Aur de la securitat entà federar las equipas a l’entorn de mesuras de prevencion comunas e immancablas.

Navèras mobilitats dens lo 64

Euralis qu’incita los sons collaborators a desplaçà’s de faiçon mei responsabla per la soa participacion au challenge mobilitat. Aqueste que consisteish a desdeishar la soa auto au profieit deus transpòrts en comun, deu cotranspòrt, de la bicicleta o enqüèra de la marcha.

Las nostas desmarchas RSE