ACCUEILLo sud-oèst qu’ei lo brèç istoric de la nosta cooperativa .
Qu’arrajaram uei dens l’Exagòne – sustot per las nostas activitats alimentàrias – e a l’internacionau, que contunham a desvolopar la nosta activitat locaument, en creant emplec dirècte e indirècte e en obrant entau melhorament deu revienut deus nostes agricultors aderents, enter autes per prestacions de conselh e de servicis innovants.
Que favorizam per exemple lo desvolopament deus circuits corts, auherint atau deus desbocs entà las produccions d’environ 500 partenaris dens los rais La Table des Producteurs de daubuns de las nostas botigas Point Vert.
Que desvolopam d’un aute costat cordèras entaus agricultors deu territòri : Sojalim, cordèras deu guit, semenças, legumes, e mei recentament energia, kiwis, agricultura regeneratora…Aqueras cordèras que’us permeten de diversificar las lors activitats e que contribuan a securizar lo lor revienut.
Que favorizam fin finau las produccions locaus e labellizadas (Label Rouge tà las poralhas e IGP taus guits) e qu’acompanham los agricultors dens la lor conversion au bio.
Euralis qu’emplega d’un aute costat environ 5 200 collaborators e la sedença sociau de la cooperativa qu’ei a Lescar (Pirenèus Atlantics) près de Pau. Los 3/4 deus salariats que tribalhan en França, drin mei de la mieitat en Navèra Aquitània, la rèsta en Bretanha e País de Loire.
Dens la cooperativa, las pòstas que son plan variats gràcias a la diversitat deus mestièrs e de las cordèras cooperativas mes tanben a l’estrategia de desvolopament d’Euralis (R&D, internacionau).
Cada annada, Euralis que recruta en mejana près de 1 500 collaborators en contracte sasonèr . L’activitat ligada a la sasonalitat de las produccions d’Euralis qu’explica aqueths recrutaments .
