ACCUEILLA TABLE DES PRODUCTEURS, LOCAU, COOPERATIU, AUTENTIC
La Table des Producteurs que distribueish, dens 38 botigas Point Vert, los produits locaus de 500 productors amassats a l’entorn de la cooperativa Euralis : carn, poralhas, carnsaladeria, hormatge, especieria, vins….
La Table des Producteurs qu’ei tanben un espaci d’escambis, a l’entorn de produits frescs e de sason, enter consumaires e productors locaus, un lòc calorós on interageishen productors, clients e equipas botiga.
Qu’avem desvolopat los taulèrs alimentaris La Table des Producteurs, autanlèu 2012, dens quauquas botigas Point Vert.
Qu’èra ua desmarcha pionèra en aqueth temps. L’escaduda qu’ei estada au rendètz-vos suu pic. Au briu deus ans, lo nombre de referéncias produsits qu’a aumentat. Los productors locaus, que son vienuts har créisher los rengs.
L’idèa qu’èra de respóner a ua demanda creishenta deus consumaires e de portar un revienut complementari aus nostes aderents. Las nostas equipas que’us segueishen e que’us acompanhan suu terren despuish annadas . Au delà deu conselh, que’us avem desirat prepausar solucions alternativas entaus lors desbocs, hicar endavant las loas produccions, los lors saber-har.
La Table des Producteurs qu’apera uei ua clientèla sensibla a valors d’autenticitat, de qualitat, de proximitat, de defensa deus interès deus productors. Un ahuegament qui confirma las tendéncias navèras de consomacion constatadas en França.
Ua istòria e valors
Uei, 38 de las nostas botigas Point Vert, que prepausan ua auhèrta variada e coherenta.
Un taulèr fresc dab los produits fars com lo pòrc, la trueita, lo pòrc negre, lo guit e totas las poralhas mes tanben lo hromatge, los produits leitèrs e los glaç. La partida especieria salada qu’ei largament representada atau com l’especieria sucrada. Lo rai liquide que prepausa cervesas e vins produsits suu territòri de la cooperativa.
Si los rais se son alargats drin a drin, a partir de la demanda deus clients, que demoram vigilants au respècte deus nostes critèris de provenença deus produits, de qualitat e de sasonalitat.
En mejana 80 hornidors que son representats dens un punt de venta. Qu’asseguran lo mei sovent ua liurason per setmana.
Los productors de la Table des Producteurs, aderents e partenaris de la cooperativa, que son causits entà la qualitat deus lors produits, la lor capacitat a’ns liurar de lis, a respectar lo noste quasèrn de las cargas. Que volem inscríver la nosta relacion comerciau dab eths dens la durada e la hidança.
Produits locaus
en circuit cort
Cada botiga qu’ei aprovisionada per productors deu son pròche entorn geografic .
La Table des Producteurs qu’ei tanben un espaci de comunicacion enter los clients, los productors e las equipas. Los clients qu’an lo parat d’encontrar regularament los agricultors e artisans qui aprovisionan las nostas botigas.
Los consumaires que pòden, pendent animacions, degustar las especialitats deus productors e neuridors.
Los clients que son arcuelhuts e aconselhats en botigas per ua equipa de passionada qui coneish perfèitament los productors e los lors produits.
Convivialitat e proximitat
Entà ne saber mei sus la Table des Producteurs e los circuits corts alimentaris ↓
