Rougié Logo

ROUGIÉ QU’INSPIRA L’AUDÀCIA DEUS CHEFS

Vaduda peu Peirigòrd en 1875, La Maison Rougié que pòrta lo nom deu son fondator e qu’inspira los chefs mei exigents deu monde sancèr.

Perfeccionant shens cès ni pausa los sons metòdes de tribalh e las soas recèptas, Rougié qu’ei vadut en 145 ans un emblèma de la gastronomia francesa. Los sons hitges gras, los sons ligombaus, las soas especialitats a basa de carns de guit que son apreciats sus las taulas mei prestigiosas, e las deus fins bocafinas. Uei, Rougié qu’ei present suus cinc continents dens los palatz, los restaurants grans, las especierias finas e las duty free.

Foie gras Rougié
La Maison Rougié qu’arrejunhè la cooperativa Euralis en 2005, çò que’u permet uei de mestrejar 100% de la cordèra mercés a las soas 541 bòrdas familiaus francesas.

Aqueths artisans neuridors, amorós d’un tribalh de qualitat, que garanteishen lo respècte de l’animau e deu son parçan per un quasèrn de las cargas estricte definit per l’Organizacion mondiau de la santat animau. Uei, 100% deus nostes guits que son neishuts, neurits e preparats en França (dab l’excepcion d’aqueths destinats au mercat nòrd-american). La lor alimentacion, shens OGM e a basa de cerealas completas moludas francesas*, qu’ei especificament desvolopada entà s’adaptar a cada atge. Ua equipa de tecnicians de neurissatge qu’ei dedicada a la començada e au seguit de las bonas practicas de neurissatge.
Engatjada despuish 2014 dens ua desmarcha de « shens medicament », Rougié qu’ei fièra d’anonciar que 100% deus sons hitges gras e magrets cruds fresc que son gessits de guits hauts shens tractament antibiotic e aqueth despuish la lor neishença (iniciativa garantida per un organisme independent). Ua iniciativa inedita dens la cordèra guit gras !

ROUGIÉ, UA MÈRCA DE PRODUCTORS
FRANCÉS AMORÓS D’UN TRIBALH DE QUALITAT

Que cercam la melhora qualitat gessida d’un quasèrn de las cargas estricte e d’un saber-har tradicionau qui potza las soas arraditz dens los nostes talhèrs de Sarlat, au còr deu Peiregòrd Negre.

La preparacion de las tarrissas de hitge gras com la seleccion e lo déveinage deus hitges que demoran estapas manuaus on la mestresa e l’engatjament deus Òmis Rougié que garanteishen la qualitat reconeguda de las nostas produccions .
En perpetuau quista d’excelléncia, Rougié ne cèssa pas d’innovar entà respóner a las espèras deus caps e deus fins bocafinas. Rougié qu’ei l’inventor de l’escalòpa de hitge gras congelada vaduda en 20 ans un immancable de la restauracion gastronomica. Enqüèra uei, l’innovacion que bat lo son plen dens los nostes talhèrs : lo potòt de hitge gras sancèr individuau adaptat a la venta a emportar, accelerada peu contèxte Covid, com lo guit confit especiau burger, qu’encoratja ua consomacion de qualitat mei descomplexada e dens l’aire deu temps. La renovacion regulara de las nostas gammas qu’illustra la nosta desmarcha que contunha de melhorament permanent de la qualitat deus nostes produits .

Groupe Euralis - Coopérative Agricole et agroalimentaire - Rougie des produits d'exception

ROUGIE, PRODUITS D’EXCEPCION

Groupe Euralis - Coopérative Agricole et agroalimentaire - Rougie aux côtés des chefs

Partenari fondator de l’Acadèmia deus Laureats deu Bocuse d’Or, concors internacionau qui hica a l’aunor despuish 1987 los Chefs mei prometedís, creator deu trofèu Jean Rougié e de l’Escòla deu Hitge Gras, La Maison Rougié que s’erigeish atau com partenari privilegiat deus mei grans chefs e qu’ei uei ua referéncia immancabla de la gastronomia francesa dens lo monde sancèr.

Actor de la transmission enter chefs, Rougié que compta ua equipa de 20 chefs qui corren lo glòbe entà acompanhar los lors confrairs cada dia : seleccionar lo produit qui pega los mei aus lors besonhs, partatjar navèras tecnicas e  navèras inspiracions…

relacions privilegiadas e de proximitat qui son un biaish tà Rougié de demorar au mei pròche de las volentats deus chefs com deus lors clients.

ROUGIÉ, ENGATJADA
AUS COSTATS DEUS CHEFS

ROUGIÉ, ENGAGÉE AUX CÔTÉS DES CHEFS

Seguitz ROUGIÉ suus hialats sociaus

Descobritz 145 ans de passion e de saber-har Rougié

* guits neurits dab ua alimentacion diversificada a basa de cerealas 67% mini (dont cerealas completas moludas 65% min), vegetaus, vitaminas, mineraus, oligoéléments e ocasionaument de probiotiques.