Groupe Euralis - Coopérative Agricole et agroalimentaire - Marque Lidea

LO PARTENARI SEMENÇAS MULTI-ESPÈCIAS AU SERVICI DEUS AGRICULTORS COMPETITIUS

EURALIS Semences e CAUSSADE Semences Group qu’an concretizat lo lor raprochament,
lo 1èr de seteme de 2020, en creant Lidea. En proximitat dab lo noste ecosistèma, Lidea que crea e que prepausa solucions personalizadas e duradissas de semenças multi-espècias qui crean valor aponduda entaus productors tot lo long de l’annada.

Lidea que prepausa aus agricultors mei de 60 espècias, sia mei de 500 varietats, de milhòcs, virasó, cerealas a palha, còlza, sòja, milhòca, legumes secs, forrastèras e cobèrts vegetaus. Lidea que desvolòpa varietats precisament adaptadas aus besonhs deus agricultors e deus diferents desbocs (concentradas en elements nutritius, rics en òli, en proteïnas…).

Aquera diversitat de semenças qu’ei un biaish tà cada espleitacion d’optimizar la soa rentabilitat e d’aumentar los sons rendements. La gamma Lidea que permet de bastir assolaments e rotacions adaptats aus objectius agronomics e economics deus agricultors.

En investint mei de 39 milions d’euros per an en Recèrca e Desvolopament, Lidea qu’auhereish ua gamma completa e distinguanta de semenças capablas de respóner aus enjòcs navèths deus agricultors e a las espèras societaus. Lidea que prepausa un gran panèl de solucions entà ua alimentacion umana e animau de qualitat, qui sian en agricultura convencionau o biologica, o entà respóner aus enjòcs deus desbocs navèths com las bioenergias.

Euralis, la satisfaction Client : Lidea vise la satisfaction clients, distributeurs et agriculteurs, en développant des relations de proximité.

Lidea que mira la satisfaccion clients, distributors e agricultors, en desvolopant relacions de proximitat.

L’escota e la compreneson deus besonhs deus nostes clients que’ns permeten de’us acompanhar entà’us portar solucions sus-mesura e practicas alternativas personalizadas au long deu cicle de cultura.

LA SATISFACCION CLIENTS
AU CÒR DE LAS NOSTAS PRIORITATS

L’escaduda de Lidea qu’ei la soa capacitat a hornir un flux varietau performant e solucions responent aus besonhs deus agricultors e de las cordèras agricòlas capvath lo monde.

Au nivèu de la recèrca, la mesa en plaça d’instruments estructurants gessits de las tecnologias navèras e de metòdes predictius qu’ei au còr de l’innovacion Lidea . Aqueth esfòrç de recèrca qu’ei confortat per associacions dab actors màgers deu sector de las semenças per EUROSORGHO, INNOLEA, SOLTIS e lo GIE GRASS. Mercés ad aqueras alianças hòrtas, e a mei de 20 ans d’experiéncia en genetica moleculara, qu’accedeishem a las tecnologias melhoras entà portar un flux regular d’innovacions sus tots los segments de mercat.

Groupe Euralis - Coopérative Agricole et agroalimentaire - Nos marques

L’innovacion,
prumèr vector de la nosta creishença

Groupe Euralis - Coopérative Agricole et agroalimentaire - Nos marques

L’excelléncia operacionau qu’ei un desfís qui cada collaborator realiza cada dia sus totas las activitats, en seleccion, en recèrca, en produccion e en comercializacion, entà assegurar la satisfaccion clients en responent a las lors exigéncias en tèrmes de qualitat, de servicis, de còsts e de delais.

En mestrejant la cadena de valor sancèra, Lidea qu’assegura la traçabilitat deu camp dinc a la mesa a disposicion de las semenças aus agricultors entà garantir un produit finau de qualitat.

Lo noste engatjament : prepausar aus nostes clients de las semenças responent a las mei hautas exigéncias de qualitat e de proessa. Totas las nostas analisis que son realizadas dens los nostes laboratòris contròle qualitat devath contròle deus servicis oficiaus entà garantir a l’agricultor lo melhor de las nostas varietats.

La proessa industriau
entà semenças de qualitat

Lidea qu’a hèit de l’internacionalizacion de las soas activitats un lhevader de creishença estrategica.

Dejà dens lo tòp 10 deus professionaus de las semenças mondiaus Granas Culturas, Lidea qu’ei present de l’Atlantic aus Orals mercés aus sons 2000 collaborators. Implantats au mei pròche deus nostes mercats e donc deus nostes clients, Lidea qu’amassa 16 filialas, 8 lòcs de produccion, 17 estacions de recèrca e que comercializa las soas semenças dens 48 país .

Lidea stratégie de développement à l'international

UA ESTRATEGIA DE DESVOLOPAMENT
ESCADUDA A L’INTERNACIONAU

Descobritz totas las nostas solucions innovantas

Groupe Euralis - Activités semences - Lidea

Lidea

Caussade semences Pro

Caussade semences pro

Groupe Euralis - Actisem

Actisem

Seguitz LIDEA suus hialats sociaus