La nosta desmarcha RSE

Despuish quauquas annadas, lo Grop Euralis que s’esfòrça de transformar en oportunitats l’evolucion de las costumas de consomacion e las constrentas reglementaris e societaus a las quaus ei confrontat.

Qu’ei pr’amor d’aquò que, dab ua politica engatjada en matèria de Responsabilitat Societau de las Enterpresas (RSE), la nosta cooperativa que s’ei estructurada dab la creacion d’ua direccion dedicada atau com instàncias cargadas de definir la soa orientacion e la soa començada.

Estant un actor economic, aqueth engatjament que’ns pareish primordiau e qu’encoratjam ua agricultura plurau e duradissa, atau com ua alimentacion sana e accessibla a tots. Mentre que la dinamica de desvolopament duradís constitueish d’ara enlà un enjòc pregnant entà las enterpresas, lo governament deu Grop que s’estaca a difusar las nostas valors sociaus, environamentaus e economicas dens la nosta esfèra d’influéncia. Hòrts d’aqueth esperit cooperatiu e deu noste ancoratge territoriau qui ns’ei car, que desiram atau irrigar totas las nostas activitats d’aquera dimension societau entà crear valor de faiçon perenna.

Entà ne saber mei, corretz las nostas declaracions de proessa :

 

 

Aqueras DPEF que’s traduseishen per accions « labelizadas RSE » dont los resultats son avalorats regularament.

 

Entà ua vision sintetica de la nosta politica RSE, consultatz la version acorcida

LAS NOSTAS AMBICIONS PRIORITÀRIAS EN MATERIA DE RSE

Euralis, stop aux idées reçues

– n°1 –

Las nostas ambicions entà ua agricultura neuricèra

En çò d’Euralis, que contribuam a ua agricultura neuricèra pròcha deus nostes territòris, duradissa, plurau, sana e accessibla. Dab las nostas accions, que desvolopam lo revienut deus agricultors e qu’ahorteishem la proessa de las nostas activitats .

 

Euralis, notre politique RSE

– n°2 –

Las nostas ambicions entà ua agricultura duradissa

En çò d’Euralis, qu’acompanham tots los agricultors deus nostes territòris cap a ua produccion responent aus enjòcs climatics mercés a l’innovacion e lo conselh. Que ns’inscrivem dens ua desmarcha hòrta de produccion d’energias renovelablas e de descarbonacion de las nostas activitats.

 

Euralis, notre politique RSE

– n°3 –

Las nostas ambicions entà ua enterpresa sociaument responsabla

En çò d’Euralis, la securitat qu’ei mei qu’ua prioritat. Que ns’engatjam a garantir un environament de tribalh san e securizat entà tots. Qu’èm convençuts la diversitat deus nostes collaborators qu’ei ua riquessa, qu’estimula l’innovacion e qu’ahorteish lo noste dinamisme .