ACCUEILDab mei de 850 participants, lo congrès Euroseeds 2023 a Malta qu’ei lo purmèr eveniment a gran escala de l’industria de las semenças en Euròpa. Ad aqueth parat, las equipas de Lidea que seràn presentas deu 15 au 18 d’octobre entà tres dias sancèrs d’escambis dab los partenaris e actors de las semenças entà parlar d’oportunitats d’ahars e de collaboracion. Augan, lo tèma d’aqueth congrès que serà suu “Green deal tornat visitar : pas de gigant o flop gigant ? Quin Euròpa pòt enqüèra transformar las soas ambicions granas en reaus progrès”.
LIDEA AU CÒR DEUS ENJÒCS DE L’EUROSEEDS 2023
En çò de Lidea, actor de las semenças e purmèr malhon de la securizacion de la cadena alimentària, que tribalham sus aqueths enjòcs despuish ua pausa. Despuish mei de 80 ans, la nosta expertesa en semenças e la nosta recèrca e desvolopament que’ns permeten de hicar en lutz lo melhor de la natura e d’acompanhar los agricultors dens la lor vocacion : neurir la planeta.
Las equipas Lidea que seràn presentas a l’entorn de dus espacis d’escambi entà encontrar clients e partenaris mes tanben entà presentar la gamma de solucions e produits pensats dab los agricultors e entà respóner aus enjòcs environamentaus actuaus.
“Aqueth congrès qu’ei un biaish d’obtiéner reaus oportunitats de business e d’acréisher la nosta visibilitat au près de tots los participants deu congrès e de l’ecosistèma de las semenças” que soslinha Oleksiy Prischepov, Director de la Marcatica Estrategica Lidea.
LIDEA, UA AUHÈRTA MULTI-ESPÈCIAS
.
Pendent aqueth congrès, las equipas que presentaràn la larja gamma de semenças en perpausar milhòc, virasó, cerealas, còlza, sòja, milhòca, leguminosas, plantas forrastèras e cobèrts vegetaus.
Aquera gamma multi-espècias qu’a un potenciau genetic de hauta qualitat, garantint rendements deus grans e responent a nòrmas hautas de qualitat de recòlta. Lidea que perpausa ua expertesa e ua diversitat de culturas e de solucions qui responen aus besonhs de proessa de cada agricultor, que’us aperam los « Fresh Ideas » (idèas frescas). Que s’apièjan sus la genetica Lidea per la combinason genetica (Hi Còrn, Duò Silo, Paquet Protect, Paquet Symbio) o de tractaments de semenças (Boost & Go) o de servicis a l’entorn de la nosta genetica. Aqueras Fresh Ideas que pòrtan valor aus agricultors .
Lidea que perpausa solucions aus agricultors qui desiran operar la transicion cap a l’agro ecologia, en desvolopant practicas agricòlas positivas entà l’environament e rendables : adaptacion au climat, valorizacion de las ressorsas en aiga, preservacion deus sòus, melhorament de la biodiversitat, reduccion de las intrants, etc.
Perpausar varietats e de las solucions tecnologicas duradissas, qu’ei tanben respóner de faiçon innovanta a las exigéncias de l’industria. Qu’utilizam un metòde e qu’avançam cap tà un objectiu qui plaça còsta e còsta los agricultors e la planeta com ganhants. Qu’èm convençuts que las nostas idèas navèras, hrut d’un procediment d’innovacion integrant las idèas deus agricultors, que contribuaràn a transformar l’agricultura en un ecosistèma duradís, equitable e fertile entà tots.
Contact presse : Nathalie Salmon / 06 48 08 52 88