ACCUEILEi engatjat pendent la soa vita professionau sancèra dab ua cooperativa un agricultor ?
Un agricultor n’ei pas engatjat qu’e per ua durada determinada.
Lo son bulletin d’engatjament que’u balha lo son montant de soscripcion de parts sociaus e l’engatjament d’activitat (natura e durada). Un agricultor que pòt deishar la coopérative si ac desira. Lo conselh d’administracion que pòt, deu son costat, denonciar lo son engatjament dab un assòciaat cooperator si aqueste ne plea pas las condicions previstas dens los estatuts .
Qui decideish dens ua cooperativa ? Los agricultors o la Direccion Generau ?
Dens ua enterpresa cooperativa, qu’existeishen dus organes essenciaus de governament. Lo Conselh d’Administracion (CA), qui ei compausat d’agricultors cooperators. Lo son ròtle qu’ei de definir dab lo Comitat estrategic, las orientacions granas d’Euralis, de controlar la concretizacion, suu terren, de las decisions validadas. Lo Comitat estrategic qu’ei lo segond organe de governament . Que defineish las orientacions estrategicas e que mia la conduita operacionau de la cooperativa. Qu’ei cargat de pilotar, d’elaborar los plans a tèrmi mejan e de’n controlar l’aplicacion. Lo Comitat estrategic que tribalha en estreta collaboracion dab lo CA, e devath lo son contròle.
Qué n’ei deu desvolopament en França e a l’internacionau ?
Euralis qu’opèra sus mercats nacionaus mes tanben internacionaus.
Despuish 20 ans, la cooperativa qu’a hèra investit dens los sons sites de produccion en França.
Mes qu’ei tanben màger d’obrir sites de produccion entà portar remèdi a de las dificultats d’exportacion ligadas a rasons de competitivitat, de barrèras doanèras o de problematicas sanitàrias. La cooperativa qu’ei atau presenta en Asia, en America deu Nòrd e en Euròpa de l’Èst entà acompanhar lo dinamisme economic d’aqueras regions deu monde.
Quauquas chifras claus :
Gropa :
Preséncia dens 18 país.
26 % deu CA hòra de França.
Pòle semenças :
80 % deu CA hòra França, desvolopament en Euròpa de l’Èst (Russia, Polonha, Romania).
Construccion d’ua usina en Russia.
Creacion de la mèrca Lidea entà ahortir aqueth desvolopament.
Pòle agricòla :
Ua partida de las activitats que’s hè a l’export .
1/3 deu CA qu’ei realizat a l’internacionau (Espanha e Reiaume Unit entau milhòc).
Rougié :
40 % deu CA qu’ei realizat hòra de França .
Produccion dens los nostes 2 tuaders francés acceptats.
Euralis qu’ei present en França e a l’internacionau, çò qu’ei lo vòste ligam dab los agricultors ?
La proximitat dab los agricultors qu’ei un enjòc màger e la cooperativa qu’ei estacada au territòri deu Sud-oèst. Mes Euralis qu’a tanben dens lo son ADN d’enterpréner e qu’intervien d’aqueth hèit sus mercats agricòlas e agroalimentaris qui son per natura nacionaus e sovent internacionaus. Aqueras duas nocions ne son pas incompatiblas, que’s completan. Per exemple, l’ua de las missions d’Euralis qu’ei d’aconselhar cada aderent sus las soas culturas de cerealas. Dens lo medish temps, qu’ei primordiau entà las equipas d’estar competitivas sus mercats internacionaus concurrenciaus entà assegurar la comercializacion d’aqueras cerealas. Entà plear aquera dobla mission, Euralis qu’a hicat en plaça un governament navèth, pròche de cada territòri. Atau, lo Pòle Agricòla qu’ei estructurat en territòris entà estar au mei pròcha deus besonhs deus aderents.