ACCUEIL
Arron un projècte pilòte prometedís iniciat en 2022, en çò d’un detzenat d’agricultors, l’interès de produsir césers, lentilhas e mongetas secas que s’ei confirmada : un an après lo lançament de la cordèra legumes secs per Euralis, en associacion dab Bonduelle, près de 1 000 ha que son estats hicats en produccion per 115 agricultors. Aquera cordèra que s’inscriu dens la politica de sobeiranetat alimentària miada peu governament. Que respon d’un aute costat a l’interès creishent deus consumeires entà las proteïnas vegetaus e los produits cultivats e transformats en França. Los agricultors deu territòri cooperatiu d’Euralis qu’an plan comprés l’interès d’aquera diversificacion.
Autanlèu los prumèrs escambis dab los conselhèrs d’espleitacion, suu terren, los agricultors qu’an manifestat interès entà la navèra cordèra leguminosa prepausada en associacion dab Bonduelle, partenari istoric de la cooperativa entà produccions de milhòc doç e de mongetas verdas. « Entaus espleitadors, pertot suu noste territòri cooperatiu, qu’ei l’oportunitat d’aver ua diversificacion deus lors revienuts, e un desboc garantit » qu’explica Thierry Cauhapé, responsable de las produccions especializadas en çò d’Euralis. « la cultura de legumes secs qu’a d’un aute costat l’avantatge d’estar drin consumeira en intrants e drin gormanda en aiga. Çò qui permet a l’agricultor de gerir mélher la soa ressorsa en aiga, en privilegiar l’irrigacion sus culturas mei consumeiras en aiga ».
Un acompanhament sus mesura
Euralis e Bonduelle que s’amassan entà prepausar aus agricultors un acompanhament sus la campanha sancèra. Atau, ua dotzena de d’amassadas d’informacions que son estadas organizadas en debuta de campanha entà partatjar las chifras claus deu mercat de las leguminosas e escambiar suu contracte, l’acompanhament, l’itinerari culturau e los avantatges economics e agronomics qu’auhereish aquera cordèra navèra. Bonduelle qu’assegura lo seguit tecnic de la cultura deu semi dinca la recòlta. En parallèla, si l’agricultor ac desira, Euralis que’u prepausa ua reflexion globau sus l’assolament (estrategia culturau, projeccion technico-economica…).
Mei de 1000 ectaras de legumes secs produsits
En tot, 115 agricultors aderents que son engatjats dens la cordèra navèra – 30 agricultors en césers, 40 en lentilhas e 45 en mongetas secas – entà près de 1 000 ectaras produsits. Que representan l’ensemble deu territòri cooperatiu . Aqueras culturas de legumes secs que permeten rotacions dab autas culturas, sustot las cerealas a palha, lo virasó, la milhòca e lo milhòc. La recòlta de las lentilhas e deus césers que va interviéner dens las setmanas qui vienen, e la de mongetas secas en seteme. Au globau, lo volume d’aqueras collèctas de legumes secs que deuré avesiar 1 500 tonas. Après la recòlta, los legumes secs que son triats en çò de Lidea a Francescàs, en Lòt-e-Garona, abans d’estar collectats e hicat en consèrva a l’usina de Bonduelle.
Ua cordèra en fasa dab l’estrategia de desvolopament deu pòle Agricòla
Aquera cordèra que s’inscriu dens la logica de contractualisation deu Pòle Agricòla. Que respon tanben a la volontat d’Euralis d’anar cap tà produccions respectuosas de la planeta e qui s’inscriven dens tendéncias societaus actuaus. Que brembam que lo mercat deus legumes secs ei en plen desvolopament en França.
TEMOIGNAGE – Guillaume Saintignan, agricultor administrator Euralis
« La mea espleitacion que’s tròba a Luçan-Adilhac (31). Qu’èi diferentas produccions : blat tibar, còlza, virasó, lusèrna e, despuish aquera annada, céser (9 ha) e lentilhas (4 ha). Que’m soi lançat dens aquera cordèra legumes secs pr’amor qu’èi un desboc garantit per un contracte de produccion dab la mea cooperativa Euralis qui a estructurat aquera associacion dab Bonduelle. Aquò que securiza la mea produccion, que sèi on hiqui los pès De mei, aqueras duas culturas que demandan drin d’intrants – qu’ei coherent dab la navèra PAC – e ne son pas gormandas en aiga . Fin finau, avià’m dens aquera cordèra legumes secs qu’ei un biaish de diversificar los mens assolaments, de hicar ua cultura en mei sus la rotacion. Que volerí tanben soslinhar que benefícii d’un acompanhament de qualitat : los tecnicians de Bonduelle que’m visiten cada 15 dias sus la parcèla. Que coneishi drin aqueras culturas de leguminosas, qu’ei important e rassegurant de’s sentir espatlat ».