Euralis qu’arcuelh Alain Rousset

Alain, Rousset, President de la Region Navèra Aquitània, qu’estó arcuelhut en çò d’Euralis lo 6 de març . Lo parat entau President Christophe Congues e quauques representants deu governament de la cooperativa de partatjar l’actualitat deu Grop e los sons enjòcs màgers.

 

Lo 6 de març, la cooperativa Euralis qu’arcuelhè lo President de la Region Navèra Aquitània, Alain Rousset, acompanhat de quauques uns deus sons collaborators : Rachid Belhadj (director deu servici de premsa), Nicolas Cesar (aconselhar tecnica Economia), Laurent Gomez (aconselhar tecnica Agricultura), Charlotte Nomme (directora deu Servici agricultura) e Audrey Bruel (cap d’antena Pirenèus Atlantics). Frédérique Espagnac (conselhèra regionau e sénatrice) e Valérie Revèl (purmèr cònsol de Lescar) qu’èran tanben presentas. Arron un temps d’escambis a l’entorn deus enjòcs màgers de la cooperativa, e deu sector agricòla e alimentari en generau, los participants qu’an visitat lo site de Lescar (l’usina semenças, lo laboratòri de recèrca Lidea e lo silo deu Pòle Agricòla).

 

« Qu’èm fièrs d’arcuélher Alain Rousset, lo President de la Region Navèra Aquitània, atau com los sons collaborators claus qui mestrejan com cau los nostes sectors d’intervencion e los nostes enjòcs e de partatjar los nostes desfís màgers. Que pensi a las transicions agricòlas, energeticas e climaticas. Lo parat tanben de brembar l’importància de subjèctes claus qui pertòcan los nostes aderents e lo noste modèle d’ahars : la sobrietat – qui passa sustot per ua gestion de l’aiga optimizada e ua politica energetica volontarista – la preservacion de la cordèra guits segotida per episòdis d’influenza aviari a repeticion e lo desvolopament de las cordèras de capvath, en ligam dab los nostes clients industriaus. Aqueth desvolopament qu’illustra plan la nosta volontat d’acompanhar los agricultors cap a ua agricultura neuricèra, duradissa, rendabla, accessibla a tots e pròche deus nostes territòris » ç’a declarat Christophe Congues, President deu Grop Euralis.

 

Array