ACCUEILArtegusto, qu’ei la navèra mèrca especialista de la Gastronomia deu Guit dedicada au mercat espanhòu de la Distribucion Grana.
Portada per valors d’excelléncia de la cooperativa Euralis, Artegusto que liga dab ausardèr saber-har ancestraus e ua vision contemporanèa entà encantar los moments de partatge e de convivialitat.
Dab Artegusto, ne hèm pas que guit, mes qu’ac hèm dab passion e expertesa sus l’ensemble deus rais (fresc, especieria). Shens jamei renegar la nosta istòria e l’exigéncia artisanau de las nostas arraditz, qu’insuflam un vent de modernitat dens lo noste mestièr. La nosta desmarcha qu’ei engatjada e la nosta cosina un formidable vector de convivialitat e de soviéners partatjats.
Lo nom de la nosta mèrca n’ei pas estat causit a l’escadut : Artegusto, qu’ei la fusion enter l’Art e lo Gost. Aquera signatura que mia cadua de las nostas accions e que s’incarna dens los nostes produits .
L’art deu gèste e de la tradicion que’s traduseishen a noste peu respècte d’un saber-har artisanau e de gèstes precís transmetut despuish mei de 150 ans. Qu’ei l’expression d’ua expertesa unica on cada estapa de preparacion ei mestrejada dab ua exigéncia quasi artistica. De mei, lo gost autentic e sublimat qu’ei la nosta promessa absoluda. La mèrca que s’engatja dens ua recèrca constanta de la sabor originau deu guit, sublimada per recèptas creativas e audaciosas.
L’ART DEU GOST :
L’ESSÉNCIA PREGONDA D’ARTEGUSTO
La nosta ambicion qu’ei dobla : vàder, en Espanha, lo motor deu desvolopament de las categorias carn e hitge gras de guit en Grana e Mejanas Susfàcias en tot tornar aqueths produits d’excepcion accessiblas au mei gran nombre.
Que cultivam shens cès ni pausa los nostes saber-har patrimoniaus a l’entorn de la gastronomia de guit entà’vs perméter de partatjar e de saborar simplament moments de gormandèr memorables. Que credem ua cosina nòbla n’a pas besonh d’estar quilhada entà estar apreciada : que deu purmèr estar sinonima de plaser, de generositat e d’accessibilitat.
LA NOSTA AMBICION :
VÀDER UN IMMANCABLE EN ESPANHA
Pr’amor que la hidança se basteish sus la claror, Artegusto que garanteish ua transparéncia totau sus l’origina e l’elaboracion de l’ensemble deus sons produits.
La nosta singularitat que s’empara sus ua cordèra sancèrament integrada . Que’ns premem sus 420 neuredors passionats qui hèn víver lo noste modèle cooperatiu au còr de las nostas bòrdas. De mei, los nostes guits que son exclusivament neurits dens las nostas bòrdas, puish abatuts e transformats dens los nostes pròpis talhèrs. Aquera mestresa que’ns permet d’aplicar quasèrns de las cargas estrictes e plans de contròle rigorós garantint la securitat alimentària. Artegusto que s’adreça aus passionats de cosina qui aiman recéber. Entà respóner a las lors exigéncias, qu’avem concebut ua auhèrta larja e qualitativa : hitges gras d’excepcion (garantits shens amidon e shens glutèn), carn de Guit en version « Cosina Express ». Totas las nostas recèptas que son simplas, autenticas e transparentas. Que privilegiam ingredients bruts de purmèra qualitat e composicions espuradas, majoritàriament shens conservadors, entà deishar s’exprimir lo gost deu guit.