ACCUEILDens l’encastre de la soa estrategia de desvolopament, Euralis que prepausa navèras cordèras aus agricultors. La produccion de kiwis rois e d’energias renovelablas per omprieras fotovoltaïcas que’n son ua. Aquera auhèrta en agrivoltaïsme, desvolopada en associacion dab la SCAAP Kiwifruits de France, qu’ei d’ara enlà accessibla aus productors qui’s volerén aviar dens un projècte innovant e prometedís.
En associacion dab la SCAAP Kiwifruits de France, Euralis que prepausa peu purmèr còp aus agricultors un projècte d’agrivoltaïsme. « la nosta ambicion qu’ei de desvolopar e securizar un mercat navèth a hòrta valor aponduda entaus nostes agricultors. Suus nostes territòris, l’agrivoltaïsme qu’ei un mejan de produsir simultanèament energia renovelabla e ua alimentacion sana, e aqueth, confòrmament aus enjòcs estrategics fixats peu Conselh d’Administracion d’Euralis » ce precisa Stéphane Boué, vicepresident de la cooperativa Euralis e president deu Pòle Agricòla. « Aquera cordèra qu’ei lo resultat d’experimentacions miadas per SOFRUILEG (Societat R&D de la SCAAP Kiwifruits de France) pendent mei de 5 ans, sus mantun site de produccion. Que ns’a demandat d’estar innovants, agiles e inventius entà reconciliar las constrentas tecnicas de cada maine d’expertesa : agronomic, fotovoltaïc e qu’estructura ». Las ambicions d’aqueth projècte que son atenhudas : sòus que sarra, las condicions de produccion d’un vergèr de plen aire que son estadas reprodusidas dab escadudas, gràcias a un teit qui permet d’optimizar lo passatge de la lutz entà ua produccion d’electricitat maximizada.
L’Agrivoltaïsme : ua innovacion au servici de la produccion agricòla
La produccion de kiwis rois devath omprieras fotovoltaïcs que’ei un biaish de mestrejar l’environament climatic e l’ecosistèma deu vergèr, de securizar lo potenciau agronomic de l’arbo – que cau saber lo kiwi roi qu’ei un frut fragile qui necessita obligatòriament d’estar abrigat – e de trobar un navèth equilibri economic puishque s’ageish tanben de produsir energia renovelabla. « la venta d’electricitat produsida per las omprieras qe securiza lo business plan deu projècte (prètz de l’electricitat garantit pendent 20 ans) » ce precisa Cédric Brana, responsable de la cordèra kiwis en çò d’Euralis. « Atau, lo productor qui s’avia dens lo projècte que desgatja ua dinereria positiva autanlèu la prumèra annada. La mesa a fruts qu’arriba au cap de la 4au annada e qu’optimiza la rentabilitat de l’atruna entà aténher l’equivalent de 33 000 euros entà 3 000 m². Que consèrva atau 100% de la valor generada. Los aspèctes financèrs e tecnics deu fotovoltaïc que son calculats per Eurasolis, la cordèra fotovoltaïca d’Euralis creada debuta 2022. Los especialistas deu solar que prepausan las causidas tecnicas las mei bonas aus agricultors qui s’avian dens la produccion d’energia fotovoltaïca sus omprieras e que son los interlocutors d’Enedis entà la connexion. PRIMLAND (Bureau de venta de la SCAAP Kiwifruits de France) qu’òbra a l’estructuracion deu mercat deus fruts »
Autes atots, e pas deus mendres, la produccion de kiwis rois que consumeish drin d’intrants dab besonhs en aiga limitats. Entà securizar lo son projècte – qui dura en mejana 18 mes – lo productor que benefícia d’un acompanhament personalizat, de l’engenheria a la mesa en plaça deu son vergèr.
« Avià’s dens l’agrivoltaïsme e la produccion de kiwis rois, un frut navèth, qu’ei ua causida audaciosa e hòrta deu productor, ua faiçon entad eth de securizar l’estrategia long tèrme de la soa espleitacion » ce concludeish Cédric Brana.
Euralis que convida atau los portaires de projècte a s’aviar sus un mercat autan navèth com prometedís en França, en comercializar un frut prémium en vàder, apreciat peus consumeires entau son gost sucrat e doç, a las connotacions de manga.
Ne saber mei : Cédric Brana – cedric.brana@euralis.com – 06 84 58 94 11