ACCUEILCreat peu Grop Euralis, Eurasolis qu’a per ambicion de vàder un actor màger de las energias renovelablas dens lo Sud-oèst, lo son territòri cooperatiu. Entà s’i escàder, Euralis qu’a constituït un hialat de partenaris de purmèra categoria.
Euralis que s’ei associat a IntHy, productor e distribuïdor d’energias renovelablas, entà accelerar lo desvolopament d’Eurasolis. IntHy e Euralis que son atau partenaris dens lo capitau d’Eurasolis.
Hòrt deus sons dus accionaris, Eurasolis qu’ahorteish atau la soa capacitat a investir dens los sons projèctes de desvolopament solars. Eurasolis que persegueish la dinamica de las soas activitats existentas centradas sus las installacions suus teits e que tribalha a alargar la soa auhèrta au fotovoltaïc suu sòu e a l’agrivoltaïsme dens los mes qui vienen.
« Eurasolis qu’ei un apròchi territoriau conjunt exemplar, on los actors deu monde agricòla que responen a dus besonhs essenciaus : l’alimentacion e l’energia » ce declara Dominique Darne, President d’IntHy
« Convençut que la question energetica ei un enjòc d’aviéner màger entà l’agricultura, IntHy qu’ambicione de har energia verda un pielar economic perenne de las espleitacions e cooperativas agricòlas dens los territòris » ce precisa Nicolas Bach, Director Generau deu Grop IntHy
« Euralis qu’ei animat per tres vocacions essenciaus : neuricèra, societau, e de productor d’energia renovelabla. Lo raprochament dab Inthy que s’inscriu donc logicament dens l’estrategia de desvolopament de la nosta cooperativa » ç’afirma Christophe Congues, President d’Euralis.
« Quèm ua cooperativa : qu’èm au servici deu desvolopament economic deus territòris suus quaus operam. Qu’ei donc hèra naturau entà Eurasolis de contribuar a l’acceleracion de las energias renovelablas e de contribuir atau a la transicion energetica » ce precisa Laurent Dubain, Director Generau deu Pòle Agricòla d’Euralis.
A perpaus d’IntHy
IntHy, qu’ei un actor innovant de la transicion energetica, que perpausa aus sons clients e partenaris dens los territòris solucions d’energia e de mobilitat descarbonadas. En premé’s sus expertesa mestièr reconeguda, lo grop qu’a per mira de produsir locaument energias netas (solara, eolian, idrogèn) e competitivas en perpausar un modèle repartitiu dab los actors locaus entà favorizar l’atractivitat deus territòris.
Inthy que perpausa un apròchi integrat sus cada cicle de vita d’un projècte de produccion (deu desvolopament dinc a l’espleitacion dab ua estrategia d’investiment de long tèrme) e que dispausa d’un saber-har tecnologic dab solucions logicielas dedicadas au pilotatge e a l’optimizacion de projèctes de poténcias variablas.
Contactes Premsa :
Euralis : Nathalie Salmon 06.48.08.52.88 / nathalie.salmon@euralis.com
IntHy : Cecile Hesse 07.67.71.85.82 / cecile.hesse@inthy.com