De l’utilitat deus cobèrts vegetaus

Per las nostas campanhas, en aqueth pic de prima, que’s veden mei anar mei de camps de flors. Que son cobèrts vegetaus. Perqué los agricultors los emplegan sus las lors parcèlas ? A qué sèrveishen ? Perqué e n’i a mei anar mei ? Explicacions.

 

Quauquas annadas a, a la sortida de l’ivèrn, que s’observava principaument dens los camps de las nostas campanhas, estenudas de còlza jaune, camps de blat o tèrras apitadas entà las semiadas. Lo dar qu’a   cambiat : las parcèlas cobèrtas de flors que’s multiplican. Que s’ageish deus cobèrts vegetaus. Quasi inexistents qu’i a enqüèra cinc ans, mei de la mieitat deus agricultors qu’i an uei recors .

 

« Los cobèrts vegetaus que son culturas intermediàrias » ce precisa Franck Camet-Lassalle, Responsable Grans Comptes au Pòle Agricòla d’Euralis. « Entà respóner mei que mei a constrentas reglamentàrias, los agricultors que’us utilizan entà cobrir los sòus de las lors parcèlas en ivèrn, enter duas culturas de primas. Semiats en octobre darrèr la cultura principau, que son copats a au pic de la prima, donc adara, e res-incorporats dens lo sòu. Que’s desvolòpan mei anar mei pr’amor que presentan entà l’agricultor interès variats e nombrós que sian agronomics, economics e environamentaus ».

 

Emplegar los cobèrts vegetaus, qu’ei contribuir a la transicion agricòla

 

En emplegar los cobèrts vegetaus sus las lors parcèlas, los agricultors que responen cèrtas a ua constrenta reglamentària, e la cooperativa que’us ajuda a integrar au mélher aquera obligacion en los acompanhant d’un punt de vista tecnic e economic. Mes que s’engatjan  purmèr que tot concrètament entà l’environament : en aver recors aus cobèrts vegetaus, que limitan las emissions de gas d’efèit de sèrra, qu’estàuvian l’aiga e que contribuan a la descarbonacion . Que participan donc concrètament a la transicion agricòla e que s’engatjan entà l’environament .

« Emplegar cobèrts vegetaus, que’m permet tanben de fertilizar los sòus, per l’estocatge deu carbòni qui ei restituït a la tèrra » ce precisa Mickaël Joseph, agricultor aderent Euralis. « E qu’ei uan biaish de miar elements nutritius entà la cultura seguenta. Que’m permeten egaument d’estimular la vita deu sòu e la biodiversitat en generau pendent l’ivèrn. Fin finau, suu long tèrme, que pòden aumentar la resèrva d’aiga qui ei « estocada » dens lo sòu e aisidament utilizable per la planta : lo sòu que jòga atau mélher la soa « ròtle d’esponja ».

 

Euralis qu’encoratja l’utilizacion deus cobèrts vegetaus : l’exemple deu contracte Gaïa

 

La cooperativa qu’incita los agricultors a emplegar los cobèrts vegetaus, mei que mei dab Gaïa. « Dab aqueth contracte de produccion de milhòc duradís, qu’acompanham los agricultors entà anar cap tà l’agricultura regeneratora e que’us ajudam a cambiar las lors practicas. Aqueth contracte que’us demanda per exemple de har esfòrç suu tribalh deus sòus, d’abaishar la fertilizacion e d’utilizar los cobèrts vegetaus. Un ensemble d’iniciativas qui melhora lo bilanç carbòni » ce concludeish Franck Camet Lassalle .

Array