ACCUEIL
Lo silo navèth d’Agribio Union qu’estó inaugurat lo dijaus 1èr Junh de 2023 a Ròcalaura (32). Gèrs que representa 20 % de la susfàcia totau d’Agribio Union. Lo silo navèth de Ròcalaura qu’a necessitat un investiment de 7 milions d’euros, finançat per l’union de cooperativas, dab lo sostien deu Fonds Avenir Bio e deu Fond Européen Agricole pour le Développement Rural (FEADER). Que respon a las espèras deus agricultors, deus transformadors e deus consumeires preocupats de qualitat e de traçabilitat deus produits.
Aquera navèra installacion sancerament dedicada a las espècias cultivadas en agricultura biologica que dispausa d’ua capacitat d’estocatge de 15 000 tonas. Qu’ei un biaish de sostiéner e desvolopar l’agricultura biologica dens lo departament de Gèrs, departament miaire en França dab près de 30 % de las susfàcias en granas culturas cultivadas en agricultura biologica. «Aqueth investiment navèth qu’ei un signe hòrt qui enviam. Que credem tostemps au desvolopament de la Biò, en 7 ans, qu’ei lo 3au silo qui basteishem après Barçalona e Montbaús. Quan la consomacion serà en reculada en França, las capacitats d’estocatge ne permeten pas de contentar la demanda creishenta deus agricultors gersés. D’un aute costat, lo nombre de navèras espleitacions engatjadas en Biò en granas culturas qu’ei en progression en Occitània e en Navèra Aquitània. Que contribuam a l’estructuracion de las cordèras e que persegueishem lo melhorament deus resultats tecnics e economics deus agricultors biologics deu Sud-oèst » que precisa Olivier Ladeveze, President d’Agribio Union.
Lo silo de Ròcalaura dedicat especificament aus produits biologics que permeterà aus 150 agricultors productors d’Agribio Union de Gèrs, deu sud d’Òut e Garona com oèst de Nauta Garona e de la Tarn e Garona, de limitar los lors desplaçaments pendent la collècta.
Aqueth silo qu’ei especificament concebut entà recepcionar las diferentas espècias gessidas de las rotacions deus productors biologics. Que dispausa de 21 cellulas d’estocatge deus produits, d’un secader dab recuperacion d’energia e de dus circuits de netejatge. Que pòrta ua solucion de luta innovanta contra los insèctes, per l’installacion de 4 cellulas adaptadas a l’inertage a l’azòte. Aquera diversitat d’espacis d’estocatge qu’ei un vertadèr atot qui permet de constituïr lòts de grans omogenèus e de mestrejar la qualitat entà respóner a las demandas de mercats de mei en mei segmentats « França que mira un objectiu de 18% de susfàcia agricòla utila en bio a l’orizont 2027. Entà l’aténher, que devem dispausar d’atrunas performantas permetent de valorizar au mélher las nostas produccions, d’èste enqüèra mei competitius e atau respóner a las espèras deus nostes clients. » que precisa Stéphane Vanrenterghem, Director Generau d’Agribio Union.
LO SILO DE RÒCALAURA EN CHIFRAS :
▪ 15 000 t d’estocatge equivalent blat
▪ 21 cellulas d’estocatge deus produits netejats e secats
▪ 2 circuits de netejatge, 2 netejaires séparateurs, 2 secaders
▪ 7 milions d’euros d’investiment dont 1,35 milions d’euros de subvencions deu Hons Aviéner Biò (dens l’encastre deu plan de relança) e deu Hons Europèu Agricòla entau Desvolopament Rurau (FEADER) gerit per la Region Occitània. Sostien de Sofiprotéol, partenari financèr estrategic e duradís de las cordèras agricòlas e alimentàrias e de Biò Cordèras Duradissas, hons francés dedicat a l’agricultura biologica
▪ Produits collectats dens la zòna : blat molièr, òrdi e triticale, còlza, lin oleaginós, virasó, sòja, legumes secs (lentilhas, césers…)
AGRIBIO UNION EN BRÈU :
Agribio Union qu’ei neishuda de la conviccion qui l’agricultura biologica podèva pas gahar l’aviada shens lo supòrt deus actors cooperatius regionaus. Aqueth modèle originau d’organizacion qu’a hèit las soas pròvas despuish 1999 en vadent uei miaira dens la collècta de grans bio en França, dab près de 9 % de la collècta nacionau dont 31 % entau sòja e 19 % entau virasó.
President : Olivier Ladeveze
Director Generau : Stéphane Vanrenterghem
▪ Union 100% bio de 6 cooperativas :
o Acteo (Vivadour)
o Alcor (Tèrras deu Sud)
o Aliança Occitana (Arterris)
o Coop Agribio
o Euralis
o Maïsadour
▪ 1 250 productors
▪ 70 000 ha de granas culturas seguits
▪ 53 milions d’euros de chifra d’ahars
Olivier Ladeveze, qu’inauguratz lo silo de roquelaure dens un contèxte de ralentiment de la consomacion deu bio, un tau investiment e èra necessari ?
Quiò que n’èra, de cap a la situacion qui coneish la cordèra bio, qu’èi la conviccion qui la nosta union de cooperativas ei enqüèra mei d’actualitat. Qu’ei amassa que devem avançar. A nosauts d’estar enqüèra mei competitius, de melhorar las nostas produccions tot en mirar l’excelléncia en matèria de qualitat. Aquò que passa per investiments com aqueth silo navèth de Ròcalaura. Un tau investiment de 7 milions d’euros que’s pòt dificilament har sol, d’on la pertinéncia d’Agribio Union. Despuish 2015, qu’avem investit près de 20 milions d’euros dens la construccion de silos responent atau a las exigéncias de qualitat deus nostes clients. Aqueth silo qu’ei destinat en prioritat aus agricultors membres d’Agribio Union, mes dens aquera logica d’eficacitat e de sinergia, qu’esperam que poiram tribalhar dab autas cooperativas regionaus entà ahortir la cordèra biologica.
Stéphane Vanrenterghem, qui va portar aqueth silo entà Agribio Union ?
Entà nse diferenciar concurréncia, que devem au còp absorbir los còsts logistics tostemps mei hauts, en garantint ua qualitat complida deus nostes produits en estant nosauts medishs actors d’aquera qualitat. Los consumeires e los nostes clients que son preocupats de conéisher l’origina de las nostas produccions, la nosta faiçon de produsir. Que s’asseguran tanben que remuneram au juste prètz los agricultors. Que partatjam aqueras preocupacions . Qu’ei per’mor d’aquò qu’èm aderents de mantua desmarcha, sustot Agri Etica França e Biò Partenària. Que garanteishen au còp ua transparéncia, ua preservacion de l’emplec locau e un prèmi rémunérateur entaus agricultors. Dens aquera desmarcha de melhorament que contunha, lo silo de Ròcalaura que pòrta ua solucion de luta innovanta contra los insèctes, per l’installacion de 4 cellulas adaptadas a l’inertage a l’azòte. Atau, abans de préner la decision d’investir dens lo silo de Ròcalaura, qu’avem tribalhat dab un detzenat de clients entà definir amassa los lors besonhs e las lors espèras. Que ns’an hèit pròva de la lor hidança en signant contractes pluriannaus.
Olivier Ladeveze, ce ètz hidant en l’aviéner ?
Quiò que soi hidançós e que devem espiar la situacion actuau sus un temps mei long. Agribio Union qu’ei neishuda de la conviccion que l’agricultura biologica ne podèva pas gahar l’aviada shens lo supòrt deus actors cooperatius regionaus. Aqueth modèle originau d’organizacion qu’a hèit las soas pròvas despuish 1999, recentament, dus investidors que ns’an rejunts exprimint atau la lor hidança. Que s’agí de Sofiprotéol partenari financèr estrategic e duradís de las cordèras agricòlas e alimentàrias e Biò Cordèras Duradissas, hons francés dedicat a l’agricultura biologica. Aquera soliditat deu modèle que’ns permet d’estar uei miaire dens la collècta de grans bio en França dab près de 9 % de la collècta nacionau, dont 31 % entau sòja e 19 % entau virasó. Cèrtas, la consomacion que coneish un ralentiment, mes la trajectòria qu’ei aquí . Lo ministre de l’Agricultura que l’a raperat recentament, qu’èm au nivèu francés a 10,8 % de la susfàcia agricòla utila en agricultura biologica e los objectius fixats dens l’encastre deu plan nacionau estrategic que son d’aténher 18 % de la SAU en 2027. Entà i arribar, que devem jogar collectiu e au delà de las 6 cooperativas qui constitueishen Agribio Union, qu’espèri que poiram nodar associacions dab cooperativas regionaus pròchas deu silo de Ròcalaura e atau assolidar ua cordèra locau biologica
