ACCUEILAqueth dijaus 27 de noveme, ueit clients de la Botiga deu Hitge Gras de Lescar que revestiràn lo lor mei beròi davantau aus costats d’un cap de renom : Pascal Bernou, Cap Executiu de l’Ostau Rougié. Au menut, un talhèr culinari exclusiu dedicat a l’art deu hitge gras. Entà la Botiga deu Hitge Gras de Lescar, aquera prumèra edicion qu’ei l’escadença de demostrar que la gastronomia deu guit ei a la portada de tots, deu cap cabiroat au cosinèr ocasionau.
Programat de 19h a 20h30, aqueth talhèr que serà consacrat a la confeccion d’ua ballottine de hitge gras mi-cueit. Dab la direccion deu cap Pascal Bernou, los ueit participants qu’apreneràn estapa per estapa totas las tecnicas, deu déveinage a l’assasonament. A la sortida d’aqueth talhèr, que degustaràn la ballotine realizada peu cap e que s’iniciaràn a acòrds plats/vins . Los participants que s’en tornaràn dab la ballotine qu’auràn confeccionada, atau com las instruccions necessàrias entà la cueita e la conservacion a casa. « l’idèa qu’ei de desmistificar la preparacion d’un hitge gras mi-cueit e de perméter a tots los participants, quau que sia lo lor nivèu, de tornar har aquò a lor. En cosina, qu’i a autant de recèptas qui de caps, mes la qualitat deus produits e la mestresa de daubuas tecnicas que son claus » c’explica Pascal Bernou, Cap Executiu de l’Ostau Rougié.
Prepausat a la tarifa de 45 € per persona, lo talhèr qu’includeish l’ensemble deus ingredients e deu materiau necessaris a la confeccion de la ballotine atau com un davantau de cosina. Entà la Botiga deu Hitge Gras de Lescar, l’aviada d’aqueths talhèrs culinaris que s’inscriu dens la perseguida d’ua desmarcha de proximitat e de transmission.
Mathieu Casteran, lo son Responsable, que confirma aquera ambicion : « Aqueths talhèrs que responen a ua hòrta demanda deus nostes clients qui vòlan apréner a tribalhar los nostes produits e sustot lo hitge gras. Qu’ei tanben l’escadença de har descobrir la nosta auhèrta e la nosta expertesa de faiçon mei conviviau e interactiva. Autes rendètz-vos tematics que seràn organizats dens los mes a viéner. »
Lo rendètz-vos qui vien qu’ei d’alhors dejà fixat : que’s debanarà lo diluns 22 de deceme . Ua data estrategica entà perméter aus amators de hitge gras d’encantar los lors convidats pendent las hèstas de fin d’annada !
A perpaus de la Botiga deu Hitge Gras de Lescar :
La Botiga deu Hitge Gras qu’ei lo punt de venta especialista de la gastronomia deu guit a Lescar, perpausant tota l’annada produits de qualitat de las mèrcas Rougié e Maison Montfort. La soa auhèrta qu’ei completa, anant deu guit crud entà las consèrvas casa hèitas au produit prèst a degustar. Acostada au grop cooperatiu Euralis, qui’n mestreja la cordèra, qu’assegura ua venta dirècta shens intermediària, çò que’u permet de garantir prètz atractius. De mei, la botiga que perpausa regularament operacions promocionaus, dens ua logica anti-gaspilhatge. Obèrta a tots, qu’ei ua referéncia de proximitat .
A perpaus deu cap Pascal Bernou :
Diplomat de MÉDÉRIC, L’escòla ostalèra de París, Pascal Bernou qu’a començat la soa carrièra dens prestigiós Maisons abans de préner las mias de dus restaurants, dont l’un qu’ei estat aunorat d’ua estela Michelin. Après un detzenat d’annadas com conselhèr culinari au près de caps, qu’ei uei lo Cap Executiu de la Maison Rougié. La soa expertesa que’u conduseish a dispensar regularament masterclass en França e a l’internacionau. Entà har la soa coneishença, clicatz suu portrèit video
Contact Presse Célia Garrocq / 06 74 80 02 23 / celia.garrocq@euralis.com