ACCUEILLa cooperativa que’s liga a las campanhas Octobre Rose e Movember entà sensibilizar los sons collaborators a enjòcs de santat màgers. Pendents dus mes, mantun eveniment que’s debanarà, pertot dens lo Grop, en França e a l’internacionau. Que s’ageish d’amassar larga l’entorn d’un subjècte cruciau e de ligar prevencion e solidaritat.
Purmèr, caminadas solidàrias que son organizadas per Lidea a Francescàs e per la Holding deu Grop entà las equipas de la cooperativa basadas a Lescar.
Puish, Euralis Gastronomia (Los Erbaris, Mauborguet e Lescar), la Holding (Lescar) e Lidea (Mondonvila, Bles, Cauçada, Senta Christie e Cairac) qu’an convidat los collaborators a portar ròsa e/o blu e, dens quauques talhèrs de produccion, charlòtas de color ròsa qu’èran hicadas a disposicion de las equipas . Sus sites deu Grop, los salariats volontaris que son tanben convidats a partatjar picnic sus la pausa meridiana.
Aqueths moments de convivialitat que son portaires de sens : que s’ageish d’informar, de sostiéner e de brembar l’importància deu depistatge precòç deu càncer de la popa e deu càncer de la prostata sustot.