ACCUEILLo Pòle agricòla d’Euralis qu’a signat un contracte dab Vignasse & Donney, lo son partenari istoric dens la zòna Sud-oèst, entà la venta de bovins .
Despuish annadas, l’Organizacion de Productors (OP) Euralis Bovins que perpausa aus neuridors ua cordèra estructurada e un acompanhament sancèr. Aqueth acompanhament qu’ei purmèr comerciau (venta regulara deus produits, desbocs garantits, qualificacion labèl…), mes tanben tecnic (seguit deu projècte, conselhs personalizats…) e economic. Nautat marcanta, l’OP que sorteish de signar un contracte de hornidura dinc a 2027 dab lo son partenari istoric, Vignasse & Donney. « Aqueth ajustèr, confòrme a la lei de proteccion de la remuneracion deus agricultors Egalim 2, que presenta l’avantatge de har compte deus còsts de produccion deus neuridors dens la fixacion deus prètz de venta deus bovins » que precisa Claude Carniel, Responsabla de l’Activitat Bovins en çò d’Euralis.
Avantatges entaus neuridors
Aquera contractualisation que balha visibilitat a l’ensemble deus actors . Que’us balha l’opportunitat de’s projectar. En mei, la fixacion deu prètz en foncion deus indicators de còst de produccion determinats per l’interprofession e la revision deu prètz au trimèstre que mèrca ua rompedura dab las practicas abituaus e la negociacion deu prètz de grat a grat. Ua pagina navèra de l’associacion hòrta qui liga Euralis e Vignasse & Donney que’s pòt d’ara enlà escríver.
« Dab aquera associacion, qu’ei ua cordèra locau sancèra qui ei valorizada : neurissatges locaus, transformacion locau entà ua comercializacion dens lo Sud-oèst gran. Vignasse & Donney que contunha atau de contribuar a l’economia deu son territòri. Aquera associacion qu’intervien d’un aute costat au moment quan avem un projècte d’agrandiment de la nosta atruna industriau d’Artics (64) : qu’avem mei que jamei besonh de securizar l’aprovesiment e l’entrada matèria suu noste site » ce precisa Paul Capdecomme, director generau Vignasse & Donney. « Aqueth metòde navèth de fixacion deus prètz qu’ei un biaish, d’un aute costat d’estar au mei près deus còsts de produccion en tot demorar en adeqüacion dab lo mercat. Qu’auhereish tanben l’oportunitat de securizar la remuneracion deu neuridor puishque lo còst deu bovin ei coneishut autanlèu la debuta de l’engreishatge : b’ei ua evolucion positiva » ce concludeish.